SUZA ZA ZAGORSKE BREGE
Vjutro dišeče gda bregi su spali a mesec još zajti ni štel.
Potiho sem odprl razklimanu lesu i pinklec na pleča sem del.
Stara je mati išla za menom, nemo v zemlju gledeč.
Ni mogla znati kaj zbirem v duši
I zakaj od včera nisem rekel ni reč.
Preveč smo toga povedat si šteli
A vse smo pozabili več.
Gda smo vre prešli kraj najzadnje hiže v suzah najenput sem bil.
Kaj ne bi to vidla stara mi mati z rukami lice sem skril.
Sud oko mene su dišale rože i bil je razcveteni maj.
A ja nisem ni jenput pogledal za sobom,
Od tuge nisem mogel pozdraviti kraj,
Samo sem bregima dragim obečal
Da vrnul se bum nazaj.
Samo sem bregima dragim obečal
Da vrnul se bum nazaj.
