Spod rubca na čelo se van
Tvoj rudasti pram nalukava
Pod njim si glediju vu dan
Dve senje kak čuda dva plava.
I sneg se drobi i beli
Na zlatnomu pramu, kaj zvira
Vu oči on videt želi,
I zato na lasih se zbira.
On ne zna, je v očih to smeh,
Il žalost plavi se gliboka?
Gledi to molitva il greh
Vražiček il ajngel iz oka?
To zeznal od rože bi mam,
Kaj z vustah ti cvete, kak v letu.
Al ni moći prejti od tam!
Sneg zgine na sladkomu cvetu.
