Senica
autor: Dragutin Domjanić




Kaj si popevaš, seničica,
drobna i draga mi tičica,
kaj mi povedat želiš,
kaj mi veliš?
Da se vre njišeju macice,
da se vre kažeju rožice,
da je pun šafrana breg,
kak, da je sneg.
Da je protuletje vre
došlo prek noći skrivečki.
I da ga v srcu, kaj ne?
ćutiju puce i dečki?
Vse ti ja dobro to znam,
samo kaj ja sem još sam.
Lahko popevaš, seničica,
kad nisi sama već tičica!