Medjaš Benkina
S pijarom vina
Došel je okraj polna po nas:
"V moje kleti
Je kaj videti,
Morete z menom, imate čas!"
Pred klet smo zišli
I tam odišli,
S kruha se kakti s pekla kadi:
"Kobase, meso
I čurke kde so,
Stalno veseli bomo mi!"
Čmrži klečica
Curi žganica
V stakleno kanto kakti crystal:
"Prestiraj stola,
Ja spravim kola,
Neidemo nikam, da ga je dal!"
Solze pijari
Kraj jognja stari,
Čurke v črne renjaj diše:
"Je, štel sem reći,
Bermeta zleči
Bomo ga pili vse do zorje!"
Čmrži klečica,
Curi žganica,
I v zdele krampampula vri:
"Primekni čašo
Za ljubav našo,
Nek domovina z nami živi!
Medjaš Bekina
S pijarom vina
Nikdar već došel ne bode k nam
Ni njegve kleti
Neje videti, -
Zrušili so jo, prazno je tam!
Dok v brege zajde
I tam nas najde,
Nekam daleko, tolžno gledi:
"Je, drugač nejde,
To vse ti prejde,
Bomo odišli skoro i mi!"
