Međaš Benkina
S pijarom vina
Došel je okraj polna po nas:
"Vu moje kleti
Je kaj videti,
Morete z menom, imate čas!"
Pred klet smo zišli
I tam otišli,
S kroha se kakti s pekla kadi:
"Kobase, meso
I čurke gde so,
Stalno veseli bomo mi!"
Čmrži klečica
Curi žganica
V stakleno kanto kakti krištal:
"Prestiraj stola,
Ja spravim kola,
Nejdemo nikam, da ga je dal!"
Sozè pijari
Kraj jognja stari,
Čurke vu crne renjaj diše:
"Je, štel sem reči,
Bermeta zleči
Bomo ga pili vse do zorje!"
Čmrži klečica,
Curi žganica,
I v zdele krampampula vri:
"Primekni čašo
Za lubav našo,
Nek domovina z nami živi!
Međaš Bekina
S pijarom vina
Nigdar već došel ne bode k nam
Ni njegve kleti
Neje videti, -
Zrušili so jo, prazno je tam!
Dok v brege zajde
I tam nas najde,
Nekam daleko, tožno gledi:
"Je, drugač nejde,
To sȅ ti prejde,
Bomo otišli skoro i mi!"
