Bila je doga, nizka i stara
Morti vre više stotino let,
Ne se na dalko našlo ji para -
Prava negdašnja gorčina klet.
Najprvo preša, kmična i pona
Pavočin, brenki, sočja, drevja,
Onda se došlo v hižo, al ona
Baš po gospodski bila je sa.
Postele dve, kraj zida ormari,
Veliki stol i stolci s kožom,
Sveci na steklu, dobri čuvari,
Kupljeni zdavnja skupa s kletjom.
Pone so bile police bele
Sakvačkih kantic i pijarov,
Saki he oblok svoje bil fele,
Sako stekelce na šest voglov,
Došla je starost malo pomalo,
Raztrgala telo, žile, kostje,
I od mrtveca nam je ostalo
Pletera kup i vrpa zemlje.
