Miroslav Krleza (Balade Petrice Kerempuha)
Gumbelijum roža
Gumbelijum roža
fino diši,
na galgam se bumo
zibali si.
Hej, haj, prišel je kraj,
nigdar več nebu dišal nam maj!
Zavijal celu noč stekli je pes,
celu noč pilko nam hoblal je les.
Z scalinom nam buju prelejali grob,
v pesje gnojnišče zlopatali drob.
Gumbelijum beli mertvečki diši,
z galgah se nigdo povernul ni.
Hej, haj, nek cvate maj,
nigdar nas v pekel taj
nebu nazaj."
|
|
