Cupido ni drugo neg lipost

Cupido ni drugo neg lipost
autor: Fran Krsto Frankapan




Vnogo let si glavu trudih
   i po svitu sim tam bludih,
   kdi Cupida bi moć najti,
   će li kada med nas zajti.
Njega iščuć, skušah dosti,
   oh, trpljenja i žalosti!
   Kad htih skoro izdvojiti,
   je mi misal govoriti:
Kaj je dite tak povoljno
   nego telo, oh, dostojno,
   ono drago rad liposti,
   ovo lipo rad dragosti?
Kaj su strile perenite
   neg dve oči ognjenite?
   Kaj su prugla prevarljiva
   neg ustnica ljubezniva?
Kaj pak lanci tako vridni
   nego lasi lipi, dični,
   a srdašce u plamenu
   slova draga u vrimenu?
Kaj su krila razgrnjena
   neg zdahnutja zaljublena?
   Ona brza u litanju,
   ova kasna u zaimanju.
Tada pravo ja razabrah,
   istinitu misal spoznah
   da Cupido željni biva
   kadi lipost procvativa.
Zato znajte, srca draga,
   da ni kinća niti blaga
   prom liposti spodobiti
   kad Cupido tu zna biti.