Oh, Philenus, ja te skončah,
z okornostjom to prepušćah;
ojme, jadna, kaj učinih,
moljbi tvojoj zač ne smilih?
Zakaj sam se kad rodila,
brez uzroka pogubila
ki me čisto, verno ljubil,
s poniznostjom stalno služil?
Oh, Philenus, dragost moja,
Chlori, veruj, bila je tvoja,
neg od sriće ne b' stvoreno,
skup radovat odsujeno.
Bude duša, oh, nesrićna,
tebi truha vikovična,
kriči moji, suz ronjenja,
bilig tvoga preminenja.
Budu moja zdihavanja,
draga kića žalovanja,
a črnina, tugi dana,
farba moja izibrana.
Zbogom, zbogom, vse radosti,
već ne želim nasladnosti;
odsad moje bu življenje
kriči, plači i tuženje!
