Pri Sv. Šimonu
Chapela iz baroka
Pod lipom punom hlada,
I cesta, kaj odhaja,
Dok noć i listje pada.
V chapeli kip je v rožah
I drobno svetlo z noći,
A z kipa k nam glediju
Tak dobre plave oči.
I če diši tam slajše
I cvete lepše roža,
I če i vehne rajše,
Je za Te - Majka Božja.
Tak puno ih z molitvom
Pred kipom Ti je bilo,
Ti vsakom si pomogla,
Kad vsakog Ti je milo.
A kaj bi ja Te molil?
Ni treba nit povedat',
Ti sama znaš, če hoćeš
v srce mi pogledat'.
